Jud Bellingham jarohati sababli “Real”ning muhim o‘yinlarini o‘tkazib yuboradi 

“Real” yarim himoyachisi Jud Bellinghem to‘pig‘idan jarohat olgan.

“Jirona”ga qarshi bahsning (4:0) 57-daqiqasida Jud jarohat olganligi sababli, maydondan olingandi. “Real” matbuot xizmatining ma’lum qilishicha, futbolchi to‘pig‘idan olgan jarohati sababli 2-3 haftani o‘tkazib yuboradi.

Shu tariqa Jud madridliklarning Chempionlar Ligasi doirasidagi “Leypsig”ga qarshi o‘yinini (13-fevral), La Liga doirasidagi “Rayo Valyekano” (18-fevral), “Sevilya” (25-fevral) hamda “Valensiya”ga (2-mart) qarshi bahslarni o‘tkazib yuboradi.  

Jurnalist Arancha Rodrigesning yozishicha, angliyalik futbolchi “Leypsig”ga qarshi javob o‘yinigacha (6-mart) safga qaytadi.

Joriy mavsum Bellinghem “Real” safida 29 ta o‘yin o‘tkazib, 20 ta gol va 8 ta golli uzatmaga muallif qildi.