Kadrdagi predmet soniyalar ichida o‘zgaradi: “Ivan Vasilyevich kasbini o‘zgartiradi” filmidagi tomoshabin payqamagan xatolik aniqlandi
Retro filmlarning ixlosmandlari o‘tgan asr san’at namunalarini qayta-qayta tomosha qilishdan charchamaydilar. Masalan, Leonid Gaydayning “Ivan Vasilyevich kasbini o‘zgartiradi” filmida yana bir xatolik ko‘zga tashlanib qoldi.
1973-yilda kinoteatr ekranlariga chiqqan ajoyib komediya rejissor va aktyorlar guruhining iste’dodi tufayli hanuzgacha barcha yoshdagi tomoshabinlarning sevimli filmi bo‘lib qolmoqda. Unda Shurikning rafiqasi Zinaida uyga qaytishi sahnasida akvarium bir zumda o‘zgarganini payqaganmisiz?
Syujetga ko‘ra, shoh Ivan Grozniy ixtirochi Shurik xonadoniga tushib qoladi va u yerda vaqtinchalik yashirinib turishga majbur bo‘ladi. Hech narsadan xabari yo‘q Zinochka uyga qaytganda shoh undan parda ortiga berkinib oladi. Shunda kadrga akvarium tushadi, ammo biroz vaqt o‘tib ichi loyqa suvga to‘lgan akvarium keyingi kadrlarda umuman boshqa holatda ko‘rsatiladi. Endi akvariumdagi toza, tiniq suvda baliqlar suzib yurganini ko‘rasiz.
Ikkala kadrni solishtirsangiz, jarayon bir necha sekund ichida ro‘y beradi.
