Pentagon Rossiya Ukrainadagi urushga 211 mlrd dollar sarflaganini da’vo qilmoqda

AQSHning fikricha, Rossiya Ukrainadagi urushga jami 211 milliard dollar sarflagan, deb yozadi “RIA Novosti” Pentagonning yuqori martabali vakiliga tayanib.

“Rossiya Ukrainadagi harbiy operatsiyalarni tashkil qilish, askarlar va texnikalarni joylashtirish va qo‘llab-quvvatlash uchun jami 211 milliard dollar sarflagan bo‘lishi mumkin”, — dedi Pentagon vakili.

“Iqtisodiy o‘sishning yo‘qolishi nuqtayi nazaridan, urush Rossiyaga 1,3 trillion dollarga tushdi”, — deya qo‘shimcha qildi.

Buning oqibatida esa Rossiyaning iqtisodiyoti yaqin orada sezilarli zarar ko‘rishi mumkin, deyiladi xabarda.