Isroil G‘azodagi qochqinlar lageriga hujum qildi

20-fevral kuni Isroil havo kuchlari G‘azo sektoridagi qochqinlar lageriga hujum qildi. Bu haqda “TASS” nashri xabar berdi.

Dastlabki maʼlumotlarga ko‘ra, hujum oqibatida kamida o‘n nafar falastinlik halok bo‘lgan. Bir necha o‘nlab fuqaro tan jarohati olgani xabar qilingan.

Shuningdek, Al Jazeera nashri qayd etishicha, Isroil armiyasi Xon Yunus shahridagi Al Amal kasalxonasini o‘qqa tutgan. Hujum oqibatida halok bo‘lganlar haqida hozircha maʼlumot taqdim etilmagan.

Xabarda aytilishicha, Isroil so‘nggi hujumlarini asosan sog‘liqni saqlash obyektlari va infratuzilma inshootlariga qaratmoqda. Hududga gumanitar karvonlar kirishi taqiqlab qo‘yilgan.