OAV: Germaniya Hindiston bilan Ukraina Qurolli kuchlari uchun snaryadlar sotib olishni yashirincha muhokama qilmoqda
Germaniya Hindiston bilan Ukraina uchun vositachilar orqali bir necha yuz snaryad sotib olishni muhokama qilmoqda. Bu haqda Spiegel manbalarga tayanib yozdi.
Muzokaralar parda ortida kechmoqda, chunki Nyu-Dehli Moskva bilan munosabatlarni buzmoqchi emas. Spiegel’ga ko‘ra, arab davlatlari bilan ham shunday bitimlar tuzilishi mumkin. Mutaxassislarning fikricha, Bolqon va bir qator Afrika mamlakatlarida ham zarur o‘q-dorilarni ishlab chiqarish imkoniyati mavjud.
Nemis razvedka xizmatlari Ukrainaning snaryadlar zaxirasi iyun oyigacha tugashi mumkinligidan xavotirda. 24-fevral kuni Ukraina tashqi ishlar vaziri Dmitriy Kuleba Ukrainada o‘q-dorilarning katta taqchilligi kuzatilayotganini aytgan.
Myunxen xavfsizlik konferensiyasida Chexiya prezidenti Pyotr Pavel Praga Ukraina uchun Yevropa Ittifoqiga kirmagan mamlakatlardan 800 mingga yaqin artilleriya o‘q-dorilarini, xususan, 155 mm va 122 mm kalibrli snaryadlar manbalarini topganini aytgan. Yevropa Ittifoqi hozirda o‘q-dorilar sotib olish uchun zudlik bilan 1,5 milliard dollar zarurligini ma’lum qilgan edi.
