“Kapitan Marvel”, “Yulduzli yo‘l: Diskaveri” filmlari yulduzi Kennet Mitchell 49 yoshida vafot etdi

Gollivud aktyori Kennet Mitchell 49 yoshida vafot etdi. Bu haqda “Pravila jizni” aktyor qarindoshlarining Instagram’dagi xabariga tayanib yozmoqda. Aktyor “Kapitan Marvel”, “Yulduzli yo‘l: Diskaveri” filmlari bilan ommaga tanilgan edi.

“Besh yarim yildan buyon Kenni yon amiotrofik skleroz muammosi qiynab kelar edi. U baxtli hayot kechirish uchun jasurlik, qat’iyat bilan kasallikni yengishga harakat qildi. U har bir berilgan kun — eng qadrli sovg‘a, degan tamoyil asosida yashadi”, — deb yozadi aktyorning yaqinlari.

“Kapitan Marvel”da Kennet bosh qahramonning Jozef Denvers ismli otasi rolini o‘ynagan. “Yulduzli yo‘l: Diskaveri”da esa u Kol ismli qo‘mondon obrazini gavdalantirgan. Shuningdek, marhum “Iyerixon” va “Mo‘jiza” filmlarida suratga tushgan. Kennet Mitchell rafiqasi bilan ikki voyaga yetmagan farzandini tarbiyalayotgan edi.