O‘zbekiston yanvar oyida 10,2 ming donadan ortiq avtomobil import qildi

O‘zbekiston 2024-yilning yanvar oyida xorijdan qiymati 222,8 million dollarga teng bo‘lgan 10 237 dona yengil avtomobil import qildi. Bu haqda Statistika agentligi xabar berdi.

O‘zbekistonga 2024-yilning yanvar oyida eng ko‘p yengil avtomobil import qilingan davlatlar:

• Xitoy – 7 571 dona;
• Janubiy Koreya – 2 373 dona;
• AQSH – 219 dona;
• Boshqa davlatlar – 74 dona.

Shuningdek, yanvar oyida xorijdan qiymati 44,3 million dollarga teng bo‘lgan 1 594 dona elektromobil mamlakatga olib kelingan. O‘zbekistonga 2024-yilning yanvar oyida eng ko‘p — 1577 ta elektromobil Xitoydan import qilingan. BAAdan 8 dona va boshqa davlatlardan 9 dona elektromobil xarid qilingan.

O‘zbekiston 2023-yil yakuniga ko‘ra Xitoydan yengil avtomobillar importini besh barobardan ortiqqa oshirgandi. O‘tgan yili mamlakatga 58 ming dona Xitoy avtomobili olib kelingan.