Navalniyni so‘nggi manzilga kuzatishga minglab Rossiya fuqarolari yig‘ildi

1-mart kuni rossiyalik siyosiy muxolif Aleksey Navalniyning Moskvadagi Borisovskiy qabristoniga dafn etilishi munosabati bilan minglab fuqarolar marosimga yig‘ildi. Bu haqda CNN nashri xabar berdi.

Xabarda aytilishicha, aholi vakillari Navalniy jasadi ortilgan kortejni qabristongacha kuzatib borgan. Aholi o‘rtasida namoyish ko‘tarilmasligi uchun ularni ichki ishlar xodimlari kuzatib borgan.

Bir qancha mahalliy nashrlar xabar berishicha, marosimda fuqarolarni hibsga olish holati ham ro‘y bergan. O‘zini tajovuzkor tutgan fuqaro ichki ishlar organiga olib ketilgan.

Navalniyning dafn marosimida uning ota-onasi ishtirok etgan. Rafiqasi Yuliya Navalnaya xorijdan turib vidolashuv murojaati yo‘llagan.