“Dyuna” filmi motivlari asosida qo‘l soati yaratildi

Kuni kecha “Dyuna” filmi motivlariga bag‘ishlangan qo‘l soati taqdimoti bo‘lib o‘tdi. Ushbu soat Hamilton brendi ostida ishlab chiqarilgan.

Soat dizayni futuristik uslubda bo‘lib, Desert Watch deb nomlanadi. Qora rangli va ko‘k yoritgichli mazkur qo‘l soati 100 metr chuqurlikkacha suvga bardosh bera oladi. Uning narxi 3000 dollar deb baholangan.

Desert Watch zamonaviy gadjet bo‘libgina qolmay, balki “Dyuna” filmidagi Fremen qabilasi madaniyatini aks ettiruvchi kino olamining bir parchasi kabidir.

Kecha, 1-mart kuni “Dyuna-2” filmining relizi bo‘lib o‘tdi. Unda qonxo‘r Xarkonenga qarshi kurashda bosh qahramon Pol Fremenlar qabilasi bilan birlashgani haqida hikoya qilinadi. Hozirda aktyorlar dunyo bo‘ylab press-tur sayohatida.