AQSH va Janubiy Koreya KXDR yadroviy tahdidiga qarshi mashg‘ulotlarni boshladi
Janubiy Koreyada 11 kunlik harbiy manyovrlar boshlandi. AQSH bilan qo‘shma “Ozodlik qalqoni” mashg‘ulotlarining asosiy elementi Shimoliy Koreyadan yuzaga kelishi mumkin bo‘lgan yadroviy tahdidga qarshi turishni mashq qilishdan iborat. Bu haqda Deutsche Welle xabar berdi.
Seul Mudofaa vazirligiga ko‘ra, Janubiy Koreya va Qo‘shma Shtatlar o‘rtasida “Ozodlik qalqoni” deb nomlangan yillik qo‘shma harbiy mashg‘ulotlar, rejalashtirilganidek, 4-mart kuni boshlangan.
11 kunlik manyovrlar kompyuter simulyatsiyasi bo‘yicha harbiy tayyorgarlik, shuningdek, dala mashg‘ulotlarini o‘z ichiga oladi. Bu yilgi mashg‘ulotlarning asosiy elementi, Janubiy Koreyaga ko‘ra, KXDR tomonidan yuzaga kelishi mumkin bo‘lgan yadroviy tahdidga qarshi mashq qilishdan iborat.
Seul va Vashington armiyasiga ko‘ra, “Ozodlik qalqoni” mashg‘ulotlari kiber va axborot makonida, shuningdek, koinotda mashq qilish uchun keng ko‘lamli dasturdir.
“Ozodlik qalqoni-2024” mashg‘ulotlari Pxenyanning 2023-yil noyabrda chegaradagi keskinlikni kamaytirishga qaratilgan Koreyalararo harbiy kelishuvni bekor qilganidan beri birinchisi.
