“Biz Rossiya bilan iqtisodiy munosabatlarni saqlab qolishni istaymiz” — Vengriya bosh vaziri Viktor Orban
Vengriya Rossiya bilan iqtisodiy munosabatlarni saqlab qolishni istaydi. Faqatgina Yevropa Ittifoqi sanksiyalari amal qiladigan sohalardagina Rossiya bilan aloqalar cheklanishi mumkin. 4-mart kuni Vengriya Bosh vazir Viktor Orban mamlakatning Rossiyaga nisbatan ushbu pozitsiyasini maʼlum qildi. Bu haqda “TASS” nashri xabar berdi.
“Vengriya Sharq va G‘arb o‘rtasidagi mamlakat va u dunyoning ikki qutblari o‘rtasidagi munosabatlar rivojlanishidan manfaatdor. Biz o‘zimizni dunyoning sharqiy qismidan ajratib qo‘ya olmaymiz. Biz faqat sanksiya kiritilgan sohalardagina Rossiya bilan hamkorlikdan tiyilamiz”, — degan Vengriya bosh vaziri Viktor Orban.
Vazirga ko‘ra, Vengriya Turkiya, Markaziy Osiyo, Xitoy va Rossiya bilan aloqalarni rivojlantirishdan manfaatdor. Mamlakat bu hamkorlik yo‘lidan faol boradi. Mamlakatga yangi hamkorlar nihoyatda zarur.
“Yevropaliklar Ukrainadagi mojaroga yechimni vaqtida anglay olmadi. Hatto Rossiya qiziqish bildirgan bir paytda kelishuvga erishish imkoni mavjud edi. Biroq biz bu imkoniyatni boy berdik”, — deya qo‘shimcha qilgan Orban.
