Bollivud aktyori Ranvir Singh “Don-3” filmida bosh rolni ijro etadi
Hindistonlik aktrisa Kiara Advani Ranvir Singh bilan “Don-3” filmida suratga tushish uchun shartnoma imzoladi. Biroq muxlislar filmga yuqoridagi aktyorlar tanlanganidan norozi bo‘lmoqda. Chunki mafiyalar boshlig‘i rolini avval Shohrux Xon ijro etgan edi. “Don” ning uchinchi qismida Ranvir Singh bosh rolni o‘ynashi ma’lum bo‘lgach, ko‘pchilik tomoshabinlar bundan mamnun bo‘lmadi.
Ijtimoiy tarmoqda “Don” filmi ijodkorlari tomonidan anons e’lon qilindi. Unda “Don olamiga xush kelibsiz @kiaraaliaadvani #Don3” deya xabar qoldirilib, Kiara Advani franshizadagi Roma roliga qabul qilinganini bildirar edi.
Bu yangilik ko‘pgina foydalanuvchilarga manzur bo‘lmadi. Filmning birinchi va ikkinchi qismlarida Zinat Aman va Priyanka Chopra bosh rolni ijro etgan edi.
Filmga yangi qabul qilingan aktyorlarni qo‘llab-quvvatlagan foydalanuvchilar ham kam emas. Ularning fikricha, hozirgi avlod aktyor va aktrisalari orasida aynan Kiara Advani va Ranvir Singhlar mazkur film uchun eng munosib tanlovdir.
