AQSH Ukrainaga 300 million dollarlik yangi yordam paketini yuboradi
AQSH Ukrainaga 300 million dollarlik yangi harbiy yordam paketini yuborishini ma’lum qildi. Bu haqda prezident Jo Bayden ma’muriyatiga tayanib, Reuters xabar berdi.
AQSHning Milliy xavfsizlik bo‘yicha maslahatchisi Jeyk Sallivanning aytishicha, mablag‘lar yuqori harakatlanuvchi artilleriya raketa tizimlari uchun artilleriya snaryadlari va o‘q-dorilarni sotib olishga sarflanadi.
Bu Ukrainaning urush ehtiyojlarini qondirish uchun yetarli darajada emas, — deya Sallivan o‘q-dorilar Ukraina uchun faqat bir necha haftaga yetishini qo‘shimcha qilgan.
Pentagon matbuot kotibi general-mayor Pat Rayderning aytishicha, yordam paketiga zenit-raketalar va artilleriya o‘qlari kiritilgan. Uning so‘zlariga ko‘ra, Ukrainaga Pentagon kelishuvi orqali qurol yetkazib berish Kiyevni moliyalashtirishning barqaror usuli emas, balki bir martalik holat bo‘lishi mumkin.
AQSH rasmiylari 2022-yilda Rossiyaning muzlatilgan qariyb 285 milliard dollarlik aktivlarini musodara qilish va bu pulni Ukraina armiyasi uchun ishlatish variantlarini ham ko‘rib chiqqan.
Izoh
Kirish
Asosiy yangiliklar
