Daniya Ukrainaga 336 mln dollarlik yangi harbiy yordam paketi ajratdi
12-mart kuni Daniya Mudofaa vazirligi Ukrainaga 2,3 milliard kron (336 million dollar) miqdorida yangi harbiy yordam paketi ajratilganini maʼlum qilgan. Bu haqda The Kyiv Independent nashri maʼlum qilgan.
Xabarda aytilishicha, ushbu paket Daniyaning Ukrainaga yetkazib bergan 16-harbiy yordam paketidir. Daniya bundan oldin oxirgi marta 2024-yil fevralida taxminan 247 million dollarlik harbiy yordam paketini taqdim etgan edi.
Daniya ajratgan so‘nggi paket “Sezar” o‘ziyurar artilleriya tizimlari, 120 mmli avtonom boshqaruvli minomyotlar va tegishli o‘q-dorilarni o‘z ichiga oladi. Mablag‘larning bir qismi Ukraina uchun snaryadlar sotib olishga sarflanadi.
“16-yordam paketi ajratish bilan biz uzoq vaqt davomida Ukraina bilan birga ekanligimizni yana bir bor taʼkidlagan bo‘lamiz. Ukrainlarning ozodlik uchun kurashi Yevropaning kurashidir. Shundan bir paytda biz ukrainaliklarni o‘z holicha tashlab qo‘ya olmaymiz”, — degan Daniya tashqi ishlar vaziri Lars Lokke Rasmussen vaziyatga munosabat bildirib.
