YCHL. “Real” Madridda “Leypsig” bilan durang o‘ynadi, “Manchester Siti” esa Daniya jamoasi ustidan ishonchli hisobda g‘alaba qozondi
Futbol bo‘yicha Yevropa Chempionlar Ligasining nimchorak finalidan o‘rin olgan ikki o‘yin 6-mart, chorshanba kuni bo‘lib o‘tdi.
“Real” javob o‘yinida “Leypsig”ga qarshi bahs olib bordi. Birinchi bo‘limda darvozalar daxlsizligi saqlanib qoldi. Ikkinchi bo‘limda esa madridliklar hisobni ochdi. 65-daqiqada Bellinghemning uzatmasini Vinisius Junior golga aylantirdi. Oradan 3 daqiqa o‘tib, Villi Orban hisobni tenglashtirishga muvaffaq bo‘ldi. Qolgan daqiqalarda darvozalar ishg‘ol etilmadi va ikki o‘yin natijasiga ko‘ra Karlo Anchelotti shogirdlari keyingi bosqichga yo‘l oldi.
Germaniyada bo‘lib o‘tgan o‘yinda “qaymoqranglilar” 1:0 hisobida zafar quchgandi.
“Manchester Siti” “Kopengagen”ni qabul qildi va 3:1 hisobida g‘alaba qozondi. “Shaharliklar” safida Manuel Akanji, Xulian Alvares hamda Erling Holand gol mualliflariga aylangan bo‘lsa, Daniya jamoasi tarkibida Elyunussi o‘z nomini tabloga yozdirib qo‘ydi.
Jamoalar o‘rtasidagi dastlabki o‘yinda ham Pep Gvardiola shogirdlarining qo‘li baland kelgandi. Daniyada bo‘lib o‘tgan o‘yinda ham 3:1 hisobi qayd etilgan.
YCHL
1/8 final
6-mart, chorshanba
“Real” – “Leypsig” 1:1
Gollar: 1:0 – 65 Vinisius Junior, 1:1 – 68 Orban.
“Real Madrid”: Lunin, Karvaxal, Nacho, Ryudiger, Mendi, Kroos (Modrich, 78), Tchuameni, Kamavinga (Rodrigo, 46), Valverde, Bellinghem (Xoselu, 85), Vinisius Junior.
“Leypsig”: Gulachi, Xenrixs, Orban, Lukeba, Raum, Shlager (Elmaz, 85), Olmo, Aydara, Simons, Openda (Poulsen, 77), Sheshko (Baumgartner, 85).
Ogohlantirishlar: Shlager (20), Raum (50), Vinisius Junior (54), Orban (71), Tchuameni (73), Kroos (75).
“Manchester Siti” – “Kopengagen” 3:1
Gollar:1:0 – 5 Akanji, 2:0 – 9 Alvares, 2:1 – 29 Elyunussi, 3:1 – 45 Holand.
“Manchester Siti”: Ederson, Lyuis, Ruben Diash (Stounz, 68), Akanji, Gvardiol, Kovachich, Rodri (Serxio Gomes, 46), Mateush Nunesh (Hemilton, 74), Bobb, Holand, Alvares.
“Kopengagen”: Grabara, Ankersen, Vavro, Makkenna, Diks, Yelert (Meling, 78), Elyunussi, Ashuri (Bardegji, 58), Klem (Heylund, 69), Froholdt (Mattsson, 58), Ouskarsson (Kornelius, 69).
Ogohlantirish: Kornelius (84).
