Liga 1. “PSJ” 8 ta gol urilgan o‘yinda raqibini tor-mor etdi, Kilian Mbappedan het-trik
Futbol bo‘yicha Fransiya chempionatining 26-turida “PSJ” 17-mart, yakshanba kuni “Monpelye”ga qarshi bahs olib bordi.
Uchrashuvning 14-daqiqasida parijliklar futbolchisi Vitinya hisobni ochdi. 22-daqiqada Kilian Mbappe hisobni ishonchli ko‘rinishga olib keldi. 30-daqiqaga kelib, Nordin javob golini urdi. Birinchi bo‘lim oxirida Savanye penaltini aniq amalga oshirib, muvozanatni tikladi.
Ikkinchi bo‘lim boshida Mbappe yana gol urib, parijliklarni hisobda oldinga olib chiqdi. Oradan 3 daqiqa o‘tib, Li Kan In ham o‘z nomini tabloga yozdirib qo‘ydi. 63-daqiqada Kilian het-trikni rasmiylashtirdi. O‘yin so‘ngida Mendesh ham darvozani ishg‘ol qildi va “PSJ” 6:2 hisobidagi g‘alabaga erishdi.
Luis Enrike shogirdlari ushbu g‘alabadan so‘ng ochkolarini 59 taga yetkazdi va musobaqa peshqadamligini yanada mustahkamladi. 2-o‘rinda borayotgan “Brest” hisobida 47 ta gol mavjud.
Liga 1
26-tur bahsi
17-mart, yakshanba
“Monpelye” – “PSJ” 2:6
Gollar: 0:1 – 14 Vitinya, 0:2 – 22 Mbappe, 1:2 – 30 Norden, 2:2 – 45 Savanye (penalti), 2:3 – 50 Mbappe, 2:4 – 53 Li Kan In, 2:5 – 63 Mbappe, 2:6 Mendesh.
“Monpelye”: Berto, Tshato, Kuyate, Omeragich, Davin (Sako, 70), Savanye, Ferri, Kulibali (Adams, 59), Lerua, Norden (Fayyad, 60), Hazri (Al-Tamari, 59).
“PSJ”: Donnarumma, Hakimi, Danilu Pereyra, Lukas Beraldo (Mukiele, 69), Ernandes (Mendesh, 46), Ugarte, Vitinya, Li Kan In (Meyulyu, 70), Barkolya (Zair-Emeri, 62), Mbappe, Kolo-Muani (Gonsalu Ramush, 62).
Ogohlantirishlar: Lukas Beraldo (38), Donnarumma (45), Mendesh (72).
