“Sevgi iztirobi” serialidagi Kamol va Nihonning qizi Deniz hozir qanday ko‘rinishda? (foto)

Internet olamida “Sevgi iztirobi” serialida rol o‘ynagan aktyorlar bilan olingan video qisqa muddat ichida tarqalib ketdi.

Unda Emir rolini ijro etgan Kaan Urganjio‘g‘li serialning eng kichik qahramoni — Denizni qo‘lida ushlab turibdi. Keyingi kadrlarda qizaloqning ancha ulg‘aygan rasmi namoyon bo‘ladi.

Hayotdagi ismi Arven Beren Kushatman bo‘lgan qizaloq hozirda 8 yoshda. U 2016-yil 19-mayda Istanbulda tavallud topgan.

Bugungi kunda Arven bolalar fotomodeli sifatida reklama va jurnallar uchun suratga tushadi. Instagram’da uni bir milliondan ortiq foydalanuvchi kuzatadi.

“Sevgi iztirobi” seriali 2015—2017-yillarda suratga olingan bo‘lib, bosh rollarda Burak O‘zchivit, Neslihan Atagul, Kaan Urganjio‘g‘li va boshqalar ishtirok etgan.