Xurram obrazi Neslihan Atagulga ko‘proq mos tushardi — aktrisa tarjimayi holidagi ma’lumotlar buni tasdiqlaydi

“Sevgi iztirobi” va “Istanbulning ikki yuzi” kabi seriallar yulduzi Neslihan Atagul turk kinematografiyasida istiqbolli aktrisalardan biriga aylanib ulgurdi. Mashhur va go‘zal aktrisaning asli kelib chiqishi turk emasligini bilarmidingiz?

Yashil ko‘zli maftunkor Neslihan 1992-yilda Istanbulda tug‘ilgan va 8 yoshida kelajakda albatta aktrisa bo‘lishni maqsad qilgan. O‘smirligida u aktyorlik agentligi raqamlarini mustaqil ravishda topgan va onasi uni tanlovga olib borishga rozilik bildirgan. Qizaloqning qiziqishlarini ota-onasi va akasi Ilkay Atagul ham doim qo‘llab-quvvatlagan, natijada Neslihan 13 yoshida kino sanoati va shou-biznes sohasiga kirib kelgan.

Nihon rolini o‘ynagan aktrisa oddiy oiladan: uning otasi yuk mashina haydovchisi, onasi esa uy bekasi bo‘lgan. Neslihanning otasi Yashan Sener (Turkiyaga ko‘chib kelgach ismini o‘zgartirgan bo‘lishi mumkin) kelib chiqishi cherkas, onasi esa rus va belorus millatiga mansub. To‘ydan keyin er va xotin SSSR hududida yashagan, keyinchalik mamlakat parchalanib ketgach, Turkiyaga ko‘chib kelgan.

Shunday qilib, Neslihan Atagulning avlodi slavyan millatiga borib taqaladi. Bu fakt aktrisaning tashqi ko‘rinishida ham aks etgan. Shuning uchun u “Muhtasham yuz yil” serialida Sulaymon sultonning sevimli rafiqasi Xurram —ukrainalik Aleksandra Roksolana roliga da’vogar bo‘lishi mumkin edi.

Lekin afsuski, serial kastingi va syomka jarayonida Neslihan 19 yoshda edi. Agar “Muhtasham yuz yil” seriali davomini suratga olish yo‘lga qo‘yilsa, aktrisa albatta bosh rolga munosib bo‘lardi.