Teri saratoni: bizni ultrabinafsha nurlaridan himoya qilmaydigan tananing 7 sohasi
Teri saratoniga olib keladigan ultrabinafsha nurlaridan himoya qilishning eng samarali usullaridan biri quyoshdan himoyalovchi vositalardan foydalanishdir. Dermatologlar uni bahorning o‘rtasidan kuzgacha ishlatishni tavsiya qiladilar va bundan nafaqat dam olish maskanlariga borishdan oldin ta’til paytida, balki shaharda istiqomat qilayotganda ham foydalaning. Afsuski, ba’zi tadqiqotlar shuni ko‘rsatadiki, ko‘pchiligimiz terining muhim joylarini unutamiz va shuning o‘zi ham saraton kasalligiga chalinish xavfini sezilarli darajada oshiradi. Tananing ushbu qismlariga e’tibor bering va keyingi safar tashqariga chiqishga tayyorgarlik ko‘rayotganda o‘tkazib yubormang.
Bosh terisi
Ajablanarlisi shundaki, biz bosh terisini ultrabinafsha nurlaridan himoya qilish haqida juda kam o‘ylaymiz. Vaholanki, quyosh nurlarining aksariyati bosh qismiga tushadi. Shu bois ko‘chada ko‘p vaqt qolishni rejalashtirmagan bo‘lsangiz ham shlyapa yoki bosh kiyim haqida unutmang. Shu bilan birga har ikki soatda bosh terisiga quyoshdan himoyalovchi krem surtib turish kerakligini yodda saqlang.
Quloq
Dermatologlar ko‘pincha himoya kremini qo‘llash uchun terining faqat ikki joyini tanlashlari kerak bo‘lsa, ular quloq va labni tanlashlarini ta’kidlashadi. Ehtimol, siz bu haqda bilmassiz, ammo lab va quloq terisi eng himoyasizdir. Shu jihatdan teri saratoni rivojlanish xavfining asosiy sohasidir. Ko‘chaga chiqayotganda maxsus krem, losyonlardan foydalaning va shlyapa yoki sharf o‘rang.
Lab
Ultrabinafsha nurlari yiliga 365 kun to‘g‘ridan to‘g‘ri labga tushadi. Ammo lab, ayniqsa, issiq mavsumda, bahor va yozda zaiflashadi. Bu paytda ularni nafaqat quruqlashishdan, balki teri saratoni rivojlanishiga olib keladigan xavfli nurlardan ham himoya qilish juda muhimdir. SPF darajasi 30 yoki undan yuqori bo‘lgan mahsulotlardan foydalaning — shunda lablaringiz nafaqat namlanadi, balki himoyalanadi ham.
Qovoqlar
Birinchidan, quyoshdan saqlaydigan ko‘zoynaklardan foydalanish har joyda va har vaqt muhimdir. Ammo kun bo‘yi ko‘zoynak taqib yursangiz ham, qovoqlarning nozik terisi ishonchli himoyaga muhtoj bo‘ladi. Bunda SPF darajasi yetarli bo‘lgan odatiy yuz kremidan foydalanganingiz ma’qul.
Bo‘yin
Negadir ko‘pincha bu sohani unutamiz: bo‘yin terisi qarishga qarshi muolajalarni o‘ziga oladigan va quyoshning xavfli ta’siridan eng kam himoyalangan joydir. Bo‘yin ham kun bo‘yi quyosh nuri ostida qoladi. Shuning uchun u kuchaytirilgan himoyaga muhtoj. Kremni ko‘chaga chiqishdan 15 daqiqa oldin surting, kun bo‘yi quyoshda bo‘lsangiz, har ikki soatda bir marta surtib turing.
Oyoqlar
Oyoq va uning barmoqlari yana bir xavf zonasidir. Uydan chiqishdan oldin oyoqlaringizni maxsus krem bilan parvarishlashni unutmang.
Qo‘llar
Ha, shunday — qo‘llarni himoya qilishni tez-tez unutamiz. Qo‘l terisi deyarli har doim ochiq bo‘lib, quyosh nurlarini birinchilardan qabul qilib oladi. SPF darajasi yuqori bo‘lgan qo‘l kremidan foydalanishni unutmang va uni nafaqat bahor yoki yozda, balki qishda ham muntazam qo‘llang.
