AQSH Qozog‘istonni ikkilamchi sanksiyalardan ogohlantirdi
AQSH Qozog‘iston Rossiyaga yordam berishi tufayli ikkinchi darajali sanksiyalarga duch kelishi mumkinligidan ogohlantirdi. Bu haqda “RIA Novosti” xabar berdi.
AQSH moliya vaziri yordamchisi Elizabet Rozenberg Ostonadagi davra suhbatida bu bo‘yicha gapirdi. Qo‘shma Shtatlar Qozog‘istonni Rossiyaga G‘arb tomonidan o‘rnatilgan savdo va moliyaviy cheklovlardan qochishga yordam bergani uchun respublikadagi kompaniya va banklarga qarshi ikkilamchi sanksiyalar xavfi ortib borayotganidan ogohlantirmoqda.
AQSH Qozog‘iston hukumati rasmiylari va mamlakatning xususiy kompaniyalari bilan Rossiyaning sanksiyalarni chetlab o‘tishdagi yordami natijasida yuzaga kelishi mumkin bo‘lgan “xavf va oqibatlarni aniqlash bo‘yicha” aloqada.
Qozog‘iston rasmiylari hozirgi sharoitda Rossiya bilan savdo xavfidan ehtiyot bo‘lishga chaqirmoqda. Hukumat reeksport xavfini kamaytirish ustida doimiy ish olib bormoqda, buning uchun kompaniyalarni sanksiyalar haqida xabardor qiluvchi onlayn ma’lumotlar bazasi yaratilgan.
Import-eksport monitoringi tizimi kelasi oy onlayn rejimida ishga tushadi. Shu tarzda, shubhali savdo operatsiyalari diqqat bilan tahlil qilinadi. Zarur bo‘lganda ma’muriy choralar ko‘riladi.
