Reznikov Ukrainaning NATOga a’zo bo‘lishiga “asosiy dalil” keltirdi
Ukraina mudofaa vaziri Aleksey Reznikov Ukraina NATOga a’zo bo‘lishiga ishonch bildirdi va bunga dalil keltirdi. Bu haqda “TCH.ua” xabar berdi.
Reznikovning fikricha, alyansning o‘zi Ukrainani NATOga qo‘shishdan manfaatdor, chunki u Rossiyaga qarshi jangovar tajribaga ega.
“Agar Rossiya NATO uchun asosiy tahdid bo‘lsa, hamkasb mudofaa vazirlariga oddiy savolim bor: Agar dunyoda faqat bitta davlat Rossiya armiyasini qanday ushlab turish, uni jang maydonida qanday mag‘lub etish va NATOning zamonaviy qurollaridan foydalangan holda g‘alaba qozonish bo‘yicha zamonaviy, samarali va muvaffaqiyatli tajribaga ega bo‘lsa, Ukrainani NATOga qabul qilish uchun sizga yana qanday dalillarni keltirish kerak?” — dedi Reznikov.
Shu bilan birga, u “Ukraina de-fakto NATO davlati ekani va de-yure NATO davlatiga aylanadi”, deb qo‘shimcha qildi.
Ukrainaning NATOga a’zo bo‘lishga intilishi
Avvalroq Ukraina prezidenti Vladimir Zelenskiy mamlakatning NATOga kirishi Rossiyadan hech kim qo‘rqmasligi va Putinni o‘z o‘rniga qo‘yishining muhim belgisi bo‘lishini aytgandi. U Kiyevga Yevroatlantika integratsiyasidan boshqa xavfsizlik kafolatlari kerak emasligini bildirgandi.
NATO bosh kotibi Yens Stoltenberg alyans sammiti chog‘ida Ukrainaga “ko‘p yillik yordam paketi” berilishini aytdi. Bu sammit davomida Ukraina bo‘yicha qabul qilingan uchta asosiy qarordan biri bo‘ladi.
