Rossiyadagi avariyada o‘zbekistonlik erkak halok bo‘ldi

Rossiyaning Leningrad viloyati Kirishskiy tumanida 19-avgust kuni O‘zbekiston fuqarosi ishtirokida yo‘l transport hodisasi yuz berdi. Bu haqda 78.ru xabar berdi.

Ma’lum qilinishicha, soat 18:30 atrofida Zuyevo—Novaya Ladoga avtomobil yo‘lining 67-kilometrida 45 yoshli O‘zbekiston fuqarosi Kia Sorento rusumli avtomashina boshqaruvini yo‘qotib, ariqqa chiqib ketgan. Hodisa oqibatida avtomobil ag‘darilib ketgan.

Haydovchi va uning 41 yoshli yo‘lovchisi olgan tan jarohatlari tufayli voqea joyida halok bo‘lgan. Hozirda YTH yuzasidan tergov harakatlari olib borilmoqda. Hodisaning barcha holatlariga oydinlik kiritilmoqda.