Navoiyda hokim o‘ziga o‘zi jarima tayinlagani haqida xabarlar tarqaldi

Navoiy viloyati Konimex tumanida hokim Ruslan Ro‘ziyev o‘ziga o‘zi jarima jazosi tayinlagani haqida xabarlar tarqaldi. Konimex tuman hokimligi tarmoqlarda tarqalgan xabarga munosabat bildirdi.

Unga ko‘ra, ushbu axborot asossiz bo‘lib, jarima tayinlash bo‘yicha biror hujjat qabul qilinmagan. Shuningdek, ijtimoiy tarmoq foydalanuvchilaridan ushbu turdagi asossiz axborotlarga ishonmaslik so‘ralgan. Tarmoqlarda tarqalgan xabarda hokim o‘ziga yuklatilgan vazifalarni lozim darajada bajarmagani va xizmat vazifalariga loqaydlik bilan qaragani qayd etilgandi.