Srechko Katanes Meksikaga qarshi bahs haqida: “Bu o‘yin biz uchun yaxshi tajriba bo‘ldi”

Futbol bo‘yicha xalqaro o‘rtoqlik o‘yinida O‘zbekiston terma jamoasi 13-sentabr, chorshanba kuni Meksikaga qarshi maydonga tushdi.

Uchrashuv 3:3 hisobidagi durang natija bilan yakunlandi. O‘yindan so‘ng O‘zbekiston terma jamoasi bosh murabbiyi Srechko Katanes matbuot anjumanida ishtirok etdi.

Uchrashuv yaxshi o‘tdi, ehtimol biz bundan-da ko‘prog‘iga munosib edik. Meksikadek terma jamoaga qarshi o‘yin biz uchun yaxshi tajriba bo‘ldi.

Meksika juda kuchli va texnikali futbolchilarga ega jamoa. Birinchi bo‘limda raqibning bir qancha asosiy futbolchilari zaxirada qolgan bo‘lsa-da, ular yaxshi o‘yin namoyish etdi. Biroq yigitlardan xursandman, o‘yindan ko‘nglim to‘ldi, chunki aksar futbolchilarimiz klublarida yetarlicha o‘yin amaliyotiga ega bo‘lmayotgan edi.

Umid qilamanki, keyingi oy Jahon Chempionati saralash o‘yinlarigacha ular yanada yaxshiroq holatda bo‘ladi. Men ular bilan faxrlanaman va biz o‘sishda davom etamiz.