Janubiy Koreya va AQSH Shimoliy Koreyaga qarshi dengiz mashg‘ulotlarini boshladi

25-sentabr kuni Yapon dengizida Janubiy Koreya va AQSH o‘rtasidagi qo‘shma dengiz mashqlari boshlandi, deb xabar bermoqda Yonhap agentligi mamlakat harbiy-dengiz kuchlariga tayanib.

“Ushbu mashg‘ulotlar Shimoliy Koreyaning yadro va raketa tahdidlarini samarali to‘xtatib turish va ularga javob berish qobiliyatini namoyish etadi. Ular birgalikda mudofaa pozitsiyasini yanada mustahkamlaydi”, — dedi Janubiy Koreya admirali Kim In Xo bayonotida.

Suvosti kemalariga qarshi uch kunlik jangovar mashqlarda har ikki tomondan to‘qqizta kema va ikkita patrul samolyoti, jumladan Janubiy Koreyaning ikkita suvosti kemasi va Yulgok Yi I esminetsi, AQSHning Aegis raketaga qarshi mudofaa qiruvchisi, Shoup esminetsi va Robert Smalls kreyseri ishtirok etadi.

Yonhap KXDR yaqinda yangi taktik yadro suvosti kemasini ishga tushirganini eslatdi. Kema Shimoliy Koreya “dengiz kuchlarining asosiy suvosti hujum qurollaridan biri sifatida jangovar missiyani bajaradi”.