“Barselona” futboldan chetlatilishi mumkin 

“Barselona” “Negreyra ishi”da aybdor deb topilsa, bankrot bo‘ladi.

Avvalroq, Barselona sudi (RFEF) hakamlar qo‘mitasi vitse-prezidenti Enrikes Negreyradan tashqari uning o‘g‘li hamda Kataloniya klubining sobiq prezidentlari Xosep Bartomeu va Sandro Rosellar ustidan ish ochgani xabar qilingandi. 

The Telegraph nashrining xabariga ko‘ra, agar Negreyra va uning o‘g‘li, shuningdek, Bartomeu va Roselning aybi isbotlansa, ular 3 yildan 6 yilgacha ozodlikdan mahrum qilinadi.

“Barselona” esa futboldan chetlatiladi. Agar bu sodir bo‘lsa, klub 124 yillik tarixida ilk bor bankrot deb e’lon qilinadi. 

“Negreyra ishi”da nimalar bo‘layotgani haqida qisqacha: joriy yilning fevral oyida “Barselona” 3 yil davomida Ispaniya futbol federatsiyasi (RFEF) hakamlar qo‘mitasi vitse-prezidenti Enrikes Negreyraga pul to‘lab kelgani aniqlangan. Katalon klubining o‘zi Negreyraga hakamlar bo‘yicha hisobotlar uchun pul to‘laganini tasdiqlagan.

Qayd etilishicha, Negreyra 2001-yildan beri katalon klubidan kamida 7,3 million yevro pul olgan, ammo sud faqat oxirgi o‘n yillikdagi o‘tkazmalar bo‘yicha ish olib borgan.