Lamin Yamal “Portu”ga qarshi o‘yin vaqtida o‘zini yomon his qilib, maydonni tark etgan va ortga qaytmagan. “Barselona” deyarli o‘n daqiqa 10 kishi bo‘lib harakatlanishga majbur bo‘lgan 

Futbol bo‘yicha YCHL guruh bosqichida 2-turida “Barselona” safarda “Portu” ustidan 1:0 hisobida g‘alaba qozondi.

16 yoshli Lamin Yama kataloniyaliklarning asosiy tarkibida maydonga tushdi.

71-daqiqada Lamin o‘zini yomon his qilib, maydonni tark etgan. Hojatxonaga ketgan Yamal maydonga qaytmagan. 80-daqiqada uning o‘rniga Markos Alonso maydonga tushirilgan. Deyarli 10 daqiqa “ko‘k-anorranglilar” 10 kishi bo‘lib harakatlangan.

Bosh murabbiy Xavi bu vaziyatga izoh berarkan: “Lamin Yamal o‘zini yomon his qildi. U bir necha bor menga qornida og‘riq borligini aytayotgandi. O‘yinda tanaffus bo‘lganidan foydalanib, unga ruxsat bergandim va tez qaytishini ta’kidlagandim. Biroq, keyinchalik u maydonga tusha olmasligini xabar qilishdi”, — dedi.