Turkiyaga ishlash maqsadida borib, jihodchilar ta’siriga tushib qolgan o‘zbekistonlik yigit qidirilmoqda

Turkiyaga ishlash maqsadida borib, jihodchilar ta’siriga tushib qolgan o‘zbekistonlik yigit qidirilayotgani aytildi. Bu haqda IIBB axborot xizmati xabar berdi.

Ma’lum qilinishicha, N.Z. 1991-yilda Toshkent shahrida tug‘ilgan. Suriyadagi “Islom davlati” xalqaro terrorchilik tashkiloti a’zosi. U 2013-yili Turkiyaga ishlash maqsadida borib, Istanbul shahrida yashirin ravishda faoliyat yuritib kelayotgan “Jihodchilar” diniy ekstremistik tashkiloti a’zolari bilan tanishib qolgan. Jihodchilar tomonidan olib borilgan da’vatlar natijasida u 2014-yilda xalqaro terrorchilik tashkilotiga borib qo‘shilgan.

N.Z.ga nisbatan huquq-tartibot idoralari tomonidan Jinoyat kodeksining 155-moddasi bilan jinoyat ishi qo‘zg‘atilib, qidiruvga berilgan.