Isroil HAMASning yana bir yetakchisi o‘ldirilganini e’lon qildi

Isroil mudofaa kuchlari G‘azo sektorida HAMAS yetakchisi Muataz Iydaga o‘ldirilganini ma’lum qildi.

“Aviazarbada guruhning janubiy milliy xavfsizlik okrugi rahbari Muataz Iyd halok bo‘ldi”,  — deyiladi Isroil armiyasi xabarida.

Isroil harbiylari 15-oktyabr kuni G‘azo sektori bo‘ylab, asosan, shimolda joylashgan 250 dan ortiq obyektga zarba bergan.

Isroil nishonlar orasida HAMAS va Falastin Islomiy Jihodining harbiy shtab-kvartirasi, kuzatuv punktlari va bir nechta raketa otish moslamalari bo‘lganini da’vo qilmoqda.

• Avvalroq Isroil mudofaa kuchlari mamlakatga hujum uyushtirishda asosiy rol o‘ynagan shaxslardan biri Merad Abu Merad o‘ldirilgani haqida xabar bergandi.