O‘limidan keyin oilasiga katta boylik qoldirgan Bollivud aktrisalari (foto)
Bollivuddagi mashhur aktrisalarning son-sanog‘i yo‘q. Ularning ayrimlari muvaffaqiyatga erishibgina qolmay, oilasini yetarli miqdorda moliyaviy tomondan ham ta’minlagan, hattoki vafotidan keyin ham.
Divya Bxarti — 19 yoshida vafot etgan
Bollivudning eng muvaffaqiyatli aktrisalaridan biri — Divya Bxarti 19 yoshida vafot etgan. Uning hayotida baxtsiz hodisa yuz berishidan avval aktrisa bir necha yilga shartnomalar imzolagan edi. Ma’lum bo‘lishicha, 1993-yilda u oilasiga qariyb 700 million rupiy, ya’ni salkam 10 million dollar mablag‘ qoldirgan.
Shridevi — 54 yoshida vafot etgan
Yana bir mahoratli aktrisa Shridevi kinoprodyuser Boni Kapurga turmushga chiqqan. Vafotidan keyin uning 2,5 milliard rupiy, ya’ni 34 million dollarlik mulki ikki qizi — Janvi va Khushi Kapurlar tomonidan taqsimlab olingan. Shuningdek, vidolashuv marosimi translyatsiyasidan ham oila katta daromad ko‘rgan.
Saundarya avtohalokatda vafot etgan
Saundarya Amitabh Bachchan bilan “Quyoshli sulola” filmida rol ijro etib, mashhurlikka erishdi. Afsuski, oradan 5 yil o‘tib, aktrisa avtohalokat oqibatida vafot etadi. Xabarlarga ko‘ra, u oilasiga 500 million rupiy, ya’ni 6,6 million dollar miqdorida mol-mulkini qoldirgan.
Rima Lagu — 2017-yilda vafot etgan
Rima Lagu turli xil xarakterdagi ona obraziga mos keladigan ko‘p qirrali hind aktrisalaridan biri edi. 2017-yilda aktrisa yurak xuruji tufayli hayotdan ko‘z yumdi. Rima 200 million rupiya — 2,6 million dollar miqdordagi aktivlarni oila a’zolariga qoldirgan.
Jiya Xon o‘z joniga qasd qilgan
Karyerasini 19 yoshida boshlagan Jiya Amitabh Bachchan bilan “Muhabbatga ishonib bo‘lmaydi” filmidagi ijrosi orqali muvaffaqiyatga erishgan. Keyinchalik u sevgilisi Suraj Pancholi tomonidan xiyonatga uchragach, o‘z joniga qasd qilgan. Ma’lum bo‘lishicha, uning sof aktivlari 150 million rupiy — 2 million dollarni tashkil etgan va uning oila a’zolariga berilgan.
