Turkmaniston ham Falastin xalqiga gumanitar yordam yubordi (foto)

Gurbanguli Berdimuhamedov nomidagi vasiylikka muhtoj bolalarga ko‘maklashish xayriya jamg‘armasi Falastin xalqiga insonparvarlik yordami jo‘natdi. Bu haqda Turkmen portal xabar berdi.

Turkmaniston prezidenti Serdar Berdimuhamedovning tegishli farmoyishida yordam birinchi navbatda falastinlik bolalarga mo‘ljallangani ta’kidlangan.

“Gumanitar yuk dori-darmon va tibbiyot buyumlari, to‘qimachilik mahsulotlari, jumladan, bolalar kiyimlari va choyshablar, poyabzal, oziq-ovqat mahsulotlari va boshqa tovarlardan iborat”, — deyiladi vazirlik xabarida.

 “Turkmaniston prezidenti Falastin bolalariga turkman xalqining azaliy yaxshi qo‘shnichilik va insonparvarlik an’analariga muvofiq insonparvarlik yordami jo‘natish to‘g‘risidagi farmonni imzoladi”, — deyiladi Turkmaniston Tashqi ishlar vazirligi xabarida.