Isroil G‘azo sektoridagi parlament binosini portlatdi (video)

Isroil harbiylari G‘azo sektoridagi HAMAS parlamentini portlatib yubordi. Bu haqda Ynet xabar berdi.

HAMAS qonunchilik kengashi binosi G‘azo shahri markazidan 3 kilometr uzoqlikdagi Rimal tumanida joylashgan. U G‘azoning eng boy hududlaridan biri hisoblangan. U yerda HAMASning bir qancha hukumat vazirliklari joylashgan.

13-noyabr kuni Isroil armiyasi parlament binosi ichida Isroil bayrog‘i bilan tushgan suratini e’lon qilgandi.

14-noyabr kuni Isroil harbiylari G‘azodagi Rimal va Shayx Ijlin mahallalaridagi bir qator hukumat binolarini egallab olganini ma’lum qildi. Ular HAMASning politsiya shtab-kvartirasi va qurollar ishlab chiqarilgan muhandislik fakultetini ham nazoratga olganini aytgan.