Islom davlati jangarilari safiga qo‘shilgan andijonlik yigit qidirilmoqda

Suriyadagi Islom davlati jangarilari safiga qo‘shilgan andijonlik yigit qidirilmoqda. Bu haqda viloyat IIB axborot xizmati xabar berdi.

Xabarga ko‘ra, Ne’matjonov Biloliddin 1999-yilda Andijon viloyatining Qo‘rg‘ontepa tumanida tug‘ilgan. U ijtimoiy tarmoqlardagi xalqaro terroristik tashkilotlar rahnamolarining ma’ruzalarini tinglash oqibatida diniy mutaassiblashgan. N.B. 2017-yil iyulda Qirg‘izistonga o‘tib, u yerdan Turkiya orqali Suriyaning Idlib shahriga borgan. 

Bu joydagi Islom davlati jangarilari safiga qo‘shilgan. Hozirda Turkiyaning Istanbul shahrida yashirin jamoatda faoliyat olib bormoqda. Unga nisbatan 2021-yildan Jinoyat kodeksining 244-moddasi 3-qismi bilan jinoyat ishi qo‘zg‘atilib, qidiruv e’lon qilingan.