Sulh bo‘yicha kelishuvdan keyin Isroil tinch aholiga qarata o‘t ochdi — Al-Jazeera
Isroil G‘azo sektori shimoliga o‘tmoqchi bo‘lgan falastinliklarga qarata o‘t ochdi. Bu haqda Al-Jazeera telekanali xabar bermoqda.
“Isroil armiyasining G‘azoning shimoliy qismiga o‘tmoqchi bo‘lgan fuqarolarga qarata o‘q uzishi natijasida ikki kishi halok bo‘ldi, bir kishi yaralandi”, — deyiladi telekanalning Telegram-kanalida.
Avvalroq Times of Israel nashri yozganidek, Isroil armiyasi G‘azo sektori uzra anklav shimoliga qaytmaslikka chaqiruvchi varaqalarni tashlagan — unda aytilishicha, mazkur hudud sulh davrida ham mojaro zonasi bo‘lib qolmoqda.
Bugun, 24-noyabr kuni mahalliy vaqt bilan soat 7:00 da Isroil va G‘azo sektorida hukmronlik qilayotgan HAMAS harakati o‘rtasida to‘rt kunlik sulh kuchga kirdi. Vaqtinchalik o‘t ochishni to‘xtatish bo‘yicha kelishuv dastlab 23-noyabrga belgilangan edi, biroq HAMAS Isroilga garovga olinganlar ro‘yxatini ularning aniq tafsilotlari bilan o‘z vaqtida taqdim etmadi.
