Germaniya mudofaa vaziri majburiy harbiy xizmatni tiklashga chaqirdi
Germaniya mudofaa vaziri Boris Pistorius mamlakatda majburiy harbiy xizmatni tiklashga chaqirdi. Bu haqda Bild xabar berdi.
Germaniyada majburiy harbiy xizmat 2011-yilda bekor qilingan. Bu Bundesver uchun kadrlarning keskin tanqisligiga olib keladi. Germaniya mudofaa vaziri mamlakatda Shvetsiya namunasidagi harbiy xizmatga chaqiruv tizimini joriy etishni taklif qildi. U yerda 2017-yildan boshlab barcha o‘g‘il-qizlar harbiy xizmatga chaqiriladi. Ularning barchasi harbiy komissiya tomonidan xizmatga tayyorligini aniqlash uchun ko‘rikdan o‘tkaziladi, biroq ularning kichik qismigina harbiy xizmatga chaqiriladi.
Hozir Germaniyada harbiy xizmat butunlay ixtiyoriy. Bundan tashqari, Germaniyada ayollar 1949-yilgi Asosiy qonunga binoan har doim harbiy xizmatdan ozod qilingan. Shvetsiya modeli ushbu qoidalarni o‘zgartirishni anglatadi. Nemis harbiy ekspertlari bu tashabbusni olqishlab, faqat buninggina Bundesverga ko‘proq odamlarni jalb qilish va kadrlar inqirozini yengib o‘tishga ishonadi. Biroq hukmron koalitsiyaning bir qismi bo‘lgan liberal “Erkin demokratik partiya” EDP partiyasi allaqachon buni “fuqarolik erkinliklariga katta hujum” deb atagan.
