Isroil, AQSH va Qatar G‘azoda o‘t ochishni to‘xtatish bo‘yicha muzokaralar olib bormoqda
Isroil HAMAS bilan sulh bo‘yicha muzokaralar olib bormayapti, biroq davlatlar koalitsiyasi hozirda G‘azo sektorida o‘t ochishni to‘xtatish va garovga olinganlarni ozod qilish bo‘yicha muzokaralar olib bormoqda. Bu haqda Isroilning Rossiyadagi elchisi Aleksandr Ben Zvi “Rossiya-24” telekanali efirida ma’lum qildi.
“HAMAS bilan sulh bo‘yicha muzokaralar yo‘q. Ammo hozir ittifoqchilarimiz bilan ba’zi maslahatlar davom etmoqda. Bizning Mossad rahbari Devid Barnea Markaziy razvedka boshqarmasi boshlig‘i Uilyam Berns va Qatar bosh vaziri Muhammad bin Abdul Rahmon bilan birga o‘t ochishni to‘xtatish va garovga olinganlarni ozod qilish bo‘yicha aniq muzokaralar olib borilyapti”, — dedi u.
Elchi “Isroil operatsiyasining asosiy maqsadi 7-oktyabr kabi voqealar boshqa takrorlanmasligi uchun HAMAS terrorchilik tuzilmalarini yo‘q qilish, garovga olinganlarni ozod qilish” ekanini eslatdi.
