“Qo‘rg‘on sirlari”ni ortda qoldiradi: 2024-yil boshida chiqadigan yangi turk seriallari
“Qo‘rg‘on sirlari” ekranlarda paydo bo‘lganidan beri boshqa turk seriallari reytingi pastladi: hammasi ham loyiha bilan raqobatlasha olmaydi. Biroq 2024-yil qishi yana yangi seriallarga boy bo‘ladi va kim biladi, balki bu seriallardan biri Seyran va Feritning sevgi hikoyasidan o‘zib ham ketar.
“To o‘lgunimcha”
“To o‘lgunimcha” yangi serialida bosh rolni kelishgan aktyor Ibrohim Chelikkol o‘ynaydi. Uning qahramoni — Turkiyadagi eng yirik qurilish kompaniyalaridan birining egasi Xoqon Dagstan. U aqlli, boy va albatta “qizlarning ajali”. Tashqaridan qaraganda rafiqasi Irem bilan birgalikda ular ajoyib oila, lekin anchadan buyon juftlik o‘rtasida iliqlik yo‘q.
Xoqon xizmat safariga borib, u yerda Sahra bilan uchrashganida, uning qalbida sobiq sevgilisiga bo‘lgan tuyg‘ulari qayta uyg‘onadi. Shu bilan bir qatorda, u Iremni ham yo‘qotishni istamasligini tushunadi.
“Oilaviy albom”
“Oilaviy albom” yangi serialida tomoshabinlar nihoyat “Beqaror” serialidagi Akin Akinozu yana ekranlarda ko‘radi. Turkiyalik jurnalist Birsen Altuntash yaqinda O3 Medya kompaniyasidan bo‘lajak loyiha sujeti tafsilotlarini oshkor qildi. Serialda qalblari bolalikdan bog‘langan juftlik — Qilich (Akin Akinozu) va Deniz (Aslixon Malbora) haqida hikoya qilinadi. Ular Istanbulda o‘qishlarini tamomlab, ko‘p yillar o‘tib o‘z ona shahriga qaytadi va taqdir ularning yo‘llarini yana tutashtiradi, ammo bu nimaga olib keladi?
“Asaf”
“Asaf” loyihasi xalqaro Netflix platformasi tomonidan buyurtma qilingan. Bu dramatik serial bo‘lib, unda tomoshabinlarga yuksak ma’naviy qadriyatlarga ega oddiy Uber haydovchisi haqida hikoya qilinadi. Erkak xotini va o‘g‘lidan ajralganidan keyin hayotini tiklash yo‘lini topishga harakat qiladi. Lekin kun kelib baxtsiz hodisa Asafning hayotini butunlay o‘zgartiradi, chunki u yomon odamlar qo‘lida o‘yinchoqqa aylanadi.
“Marvarid donalari”
“Marvarid donalari” serialining sujeti oilaviy munosabatlar va oilada sodir bo‘ladigan dramatik voqealarga asoslanadi. Rejissorning so‘zlariga ko‘ra, serialda hikoya qilingan voqea ham achchiq, ham hazilga to‘la. Loyihaning o‘ziga xos xususiyati uning haqiqiy hayotga maksimal darajada yaqinligidir.
“Qonli efir”
Yangi turk trillerida bosh rolni Halit Ergenchning rafiqasi Berguzar Korel ijro etadi. U jinoyatlarni ochadigan va natijalarini tomoshabinlarga aytib beradigan iqtidorli jurnalistga aylanadi. Film sujeti dramatik sahnadan boshlanadi, unda bosh qahramonning shogirdlaridan biri Leyla ismli qiz o‘ldiriladi. Serial 8 qismdan iborat, lekin serial muvaffaqiyatli bo‘lib chiqsa, katta ehtimol bilan ikkinchi mavsumga uzaytiriladi.
“Kubra”
Chag‘atay Ulusoy bosh rolni o‘ynagan 2024-yilning eng kutilgan turk seriallaridan biri. Turk jurnalistlarining yozishicha, loyihaning birinchi mavsumini suratga olish ishlari noyabr oyida yakunlangan va jamoa darhol ikkinchi mavsum ustida ish boshlagan. Biroq tomoshabinlar premyerani faqat 2024-yilning qishida ko‘radi. “Kubra” Netflix tomonidan ishlab chiqariladi, shuning uchun bu juda g‘ayrioddiy bo‘lishi aniq.
Sujet xuddi shu nomdagi romanga asoslangan. Qiz do‘sti bilan munosabatlarida muammolarga duch kelgan Gokhan Shahinog‘luga bir kuni Kubra ismli sirli foydalanuvchi chatda unga xabarlar yoza boshlaydi, lekin eng hayratlanarlisi shundaki, anonim odam bu odamning hayoti haqida hamma narsani biladi.
