“Isroil G‘azo sektorida HAMAS yo‘q qilinmaguncha urushni davom ettiradi” — mamlakat Tashqi ishlar vaziri

Isroil xavfsizlik nuqtai nazaridan G‘azo sektoriga yuborilgan barcha insonparvarlik yordamlarini tekshirishda davom etadi. Bu haqda mamlakat tashqi ishlar vaziri Eli Koen ma’lum qildi.

“Isroil xalqaro qonunlarga muvofiq harakat qilishda davom etadi, biroq xavfsizlik nuqtai nazaridan G‘azoga yuborilgan barcha insonparvarlik yordamlarini ko‘rib chiqadi”, — dedi u.

Koenning so‘zlariga ko‘ra, BMT Xavfsizlik Kengashi G‘azo sektoriga insonparvarlik yordamini o‘tkazish tartibni tiklashga va yordamning HAMASga emas, balki belgilangan manzilga yetib borishini taʼminlashga chaqirib to‘g‘ri qaror qabul qildi.

“Isroil o‘g‘irlab ketilganlarning hammasi ozod qilinmaguncha va G‘azo sektoridagi HAMAS yo‘q qilinmaguncha urushni davom ettiradi”, — deya qo‘shimcha qildi mamlakat tashqi ishlar vaziri.