Toshkentda jinoyat sodir etganlikda gumon qilingan 8 nafar shaxs qo‘lga olindi
Toshkent shahrida bir qator jinoyatlarni sodir etganlikda gumonlanib, 8 nafar shaxs qo‘lga olindi. Bu haqda IIBB axborot xizmati xabar berdi.
Poytaxtda Toshkent shahar IIBB va hamkor tashkilotlar tomonidan o‘tkazilayotgan tezkor-profilaktik tadbirlarning “Dolzarb qirq kunligi” doirasida bir qator jinoyatlarni sodir etgan quyidagi shaxslar ushlanib, tergovga jalb qilingan:
- 1984-yilda tug‘ilgan Yuldoshev Doniyor (Jinoyat kodeksi 168-moddasi 3-qismi);
- 1988-yilda tug‘ilgan Alimov Fazliddin (Jinoyat kodeksi 165-moddasi 2-qismi);
- 1991-yilda tug‘ilgan Quvatov Shovkat (Jinoyat kodeksi 277-moddasi 3-qismi);
- 1988-yilda tug‘ilgan Tulyaganov Nuriddin (Jinoyat kodeksi 168-moddasi 4-qismi);
- 1986-yilda tug‘ilgan Sotvoldiyev Ilxom (Jinoyat kodeksi 165-moddasi 2-qismi);
- 1992-yilda tug‘ilgan Yunusov Doniyor (Jinoyat kodeksi 168-moddasi 2-qismi, 277-moddasi 3-qismi);
- 1992-yilda tug‘ilgan Erkinov Baxtiyor (Jinoyat kodeksi 165-moddasi 2-qismi);
- 1987-yilda tug‘ilgan Maxmudov Umid (Jinoyat kodeksi 165-moddasi 2-qismi).
Toshkent shahar IIBB Tergov boshqarmasi tomonidan tergov qilinayotgan jinoyat ishi doirasida gumon qilinuvchilarga nisbatan qamoqqa olish tarzidagi ehtiyot chorasi qo‘llangan. Tergov davom etmoqda.
Fuqarolar agar ushbu shaxslardan yoki guruh aʼzolaridan jabr ko‘rgan bo‘lsa yoki ushbu shaxslarning jinoiy xatti-harakatlari bo‘yicha maʼlumotlarga ega bo‘lsa, Toshkent shahar IIBBning 71-206-45-69, 71-206-49-46 yoki 102 raqamlariga yoxud 99-370-73-94 telegram raqamiga murojaat qilishi so‘ralgan. Murojaatchining shaxsi sir saqlanishi kafolatlanadi.
