UzAutoMotors shartnoma tuzishni vaqtincha to‘xtatdi. Sababi ma’lum qilindi
UzAutoMotors ish vaqti tugagani sababli shartnoma tuzish jarayonini vaqtincha to‘xtatdi.
Foto: “Daryo” / Madina Nurman
Maʼlum qilinishicha, kontraktatsiya ochilgan vaqtdan boshlab, 25-dekabr soat 19:40 holatiga ko‘ra, UzAutoSavdo platformasidan foydalangan holda jami 31 500 dan ortiq shartnoma muvaffaqiyatli tuzildi.
UzAutoSavdo onlayn-savdo tizimi 7 000 ta kiberhujum kuzatildi. Umuman olganda, tizimda ushbu vaqt oralig‘ida 3 milliondan ortiq faol seanslar qayd etilgan.
Ushbu davr mobaynida kompaniyaning Call-markazi tomonidan 2100 ta murojaatlar qabul qilinib, ko‘rib chiqildi.
“Agar sizda savollar tug‘ilsa, har qanday holatlarda Call-markazga murojaat qilishingiz mumkin.
Shuningdek, ish vaqti tugagani sababli shartnoma tuzish jarayoni vaqtincha to‘xtatildi. Onlayn kontraktatsiya 26-dekabr kuni soat 10:00 da qayta tiklanadi”, — deyiladi xabarda.
