Ispaniya Ukraina bilan chegaradosh davlatga harbiylar yuboradi
Ispaniya 2024-yil boshida Slovakiyaga bir guruh harbiy xizmatchilarni yuboradi. Bu haqda ABC Espana xabar berdi.
Yanvar oyida Ispaniya armiyasi Shimoliy Atlantika alyansining sharqiy qanotini himoya qilish uchun Slovakiya chegarasiga joylashtirila boshlaydi. Yangi missiyada 600 nafar ispan askari, Leopard tanklari va vertolyotlari ishtirok etadi.
“Qurolli kuchlar 2024-yil Slovakiyaga joylashishni boshlaydi. Atlantika alyansining sharqiy qanotidagi mavjudligini mustahkamlashga qaratilgan ushbu yangi missiyani jami 600 nafar askar tashkil qiladi”, — deyiladi bayonotda.
Ukrainadagi urush tufayli NATOni mustahkamlash
Rossiyaning Ukrainaga hujumi boshlanganidan keyin Finlyandiya alyansga qo‘shildi. Shvetsiya ham aʼzolik bo‘yicha qarorni kutmoqda. Ma‘lumki, NATO Rossiyaning ehtimoliy hujumiga javob berish uchun mintaqaviy rejalarni tayyorlamoqda. Alyans harbiy qo‘mitasi raisi, admiral Rob Bauerning taʼkidlashicha, alyans uchun eng katta tahdid Rossiya hisoblanadi.
Yozda Rossiya Mudofaa vazirligi “NATO tomonidan xavfsizlikka tahdidning kuchayishi” sababli g‘arbiy chegaralarda o‘z harbiy kuchlarini kuchaytirishini aytdi.
