UzAutoMotors jami tuzilgan shartnomalar sonini ma’lum qildi 

UzAutoMotors 26-dekabr holatiga ko‘ra, jami tuzilgan shartnomalar sonini ma’lum qildi. 

Xabar berilishicha, 26-dekabr soat 18:00 holatiga ko‘ra, UzAutoSavdo platformasidan foydalangan holda jami 31 200 dan ortiq shartnomalar muvaffaqiyatli tuzildi.

UzAutoSavdo onlayn-savdo tizimida 27 kiberhujum kuzatildi. Umuman olganda, tizimda ushbu vaqt oralig‘ida 85 400 dan ortiq faol seanslar qayd etilgan.

Shu bilan birga, ushbu davr mobaynida kompaniyaning Call-markazi tomonidan 1750 dan ortiq murojaatlar qabul qilinib, ko‘rib chiqildi. Agar savollar tug‘ilsa, har qanday holatlarda Call-markazga murojaat qilish mumkinligi eslatilgan.