“Tojikistonda Rog‘un GESning uchinchi reaktori 2025-yilda ishga tushiriladi” — Emomali Rahmon
Tojikistonda energetika obyektlarini tiklash uchun 9 milliard (829 million dollar) somoniy yo‘naltirildi. Bu haqda respublika prezidenti Emomali Rahmon parlamentga yo‘llagan murojaatida ma’lum qildi.
“Agar shunday qilinmaganida, bugun biz butunlay elektrsiz qolgan bo‘lardik”, — dedi u.
Shuningdek, Rahmon Tojikistonda Rog‘un GESning uchinchi reaktori 2025-yilda ishga tushirilishini ma’lum qildi.
Unga ko‘ra, 2032-yilga borib Tojikiston muqobil energiya manbalariga o‘tadi.
Emomali Rahmon respublika yashil energiya ishlab chiqarish bo‘yicha dunyoda 6-o‘rinda turishini ta’kidladi.
Avvalroq Tojikiston hukumati 2024-yilda Rog‘un GES loyihasini amalga oshirish uchun qariyb 5 milliard somoniy (taxminan 460 million dollar) ajratmoqchiligini ma’lum qilingandi.
Rog‘un GES qurilishi hozirgacha faqat davlat mablag‘lari hisobidan moliyalashtirilmoqda. 2008-yildan buyon mazkur GES qurilishi uchun davlat budjetidan 35 milliard somoniydan ortiq mablag‘ ajratilgan.
2022-yilda Jahon banki tomonidan muvofiqlashtirilgan Rog‘un GES qurilishiga xalqaro donorlar mablag‘larini jalb qilish bo‘yicha konsorsium tuzildi.
