Iroq 2024-yilda neft mahsulotlarini import qilishni to‘xtatmoqchi

Iroq 2024-yilda mamlakatga neft mahsulotlari importini to‘liq to‘xtatishni rejalashtirmoqda.

Bu haqda Iroq neft vazirligi rasmiy vakili Asem Jihad ma’lum qilgan.

“2024-yilda Iroq mahalliy ishlab chiqarishga ko‘proq tayanadi va bir qator neftni qayta ishlash zavodlari ishlab chiqarishni yo‘lga qo‘ygandan so‘ng, neft mahsulotlari importini qisqartiradi”, - dedi u.

Iroq mahalliy bozordagi tanqislikni to‘ldirish uchun ba’zi neft mahsulotlarini, jumladan sifatli benzinni import qilishda davom etadi.

Iroq Bosh vaziri Muhammad Shia al-Sudaniy o‘tgan yilning 1-aprelida uning hukumati importni qisqartirish uchun neftni qayta ishlash zavodlarining ishlab chiqarish quvvatini oshirishga katta ahamiyat berishini aytgandi.