Toshkentda 20 yoshli qiz issiq suvdan kuyish oqibatida vafot etdi
Toshkent shahridagi xonadonlardan birida yashovchi 20 yoshli qiz kuyish jarohati bilan shifoxonada vafot etdi. Bu haqda “Millar” informatsion dasturida maʼlum qilindi.
Maʼlum bo‘lishicha, qiz hammomda bo‘lgan vaqtida qaynoq suv solingan bak yorilib ketgan. Natijada, qiz qaynoq suv ostida qolgan.
Mazkur voqea haqida dastlab qizning opasi xabar topgan va darhol shifokorga murojaat qilgan. Bemor og‘ir ahvolda 80-90 foiz kuyish alomatlari bilan shifoxonaga keltirilgan va shifokorlarning sa’y-harakatlariga qaramay vafot etgan.
Eslatib o‘tamiz, 2023-yilning may oyida Janubiy Koreyadagi zavodda ishlagan O‘zbekiston fuqarosi xizmat vazifasini bajarayotib, harorati 67 daraja bo‘lgan issiq suv bakiga tushib ketishi oqibatida olgan jarohatlari tufayli vafot etgandi.
