Daniya Ukraina infratuzilmasini tiklash uchun 22,2 million dollar ajratdi
Daniya hukumati Ukrainaga yana bir yordam paketi taqdim etilishini e’lon qildi. Bu safar u infratuzilmani tiklash — elektr va issiqlik taʼminotini taʼminlash, shuningdek, minalarni aniqlash va zararsizlantirishga mo‘ljallagan, deyiladi Daniya TIV matbuot xizmati xabarida.
Bu Ukraina uchun jamg‘arma doirasida ajratilgan uchinchi shunday paket bo‘lib, uning uchta yo‘nalishi mavjud: harbiy yordam, fuqarolik jamiyatini qo‘llab-quvvatlash va xususiy sektorni ta’minlash. Bu safar yordamning hajmi 151 million kron (22,2 million dollar) bo‘ladi.
Press-relizda qayd etilishicha, Daniya o‘zining imkoniyatidan kelib chiqib, Ukrainaga eng katta yordam ko‘rsatayotgan davlatlardan biridir. Yangi paketni ham qo‘shib hisoblaganda, mamlakat Ukrainaga jami 30,95 milliard kron (4,5 milliard dollar) yordam ajratgan.
