12-yanvarga o‘tar kechasi AQSH va Buyuk Britaniya Yamandagi husiy obyektlariga zarbalar berdi. Ular Yaman husiylarining Qizil dengizdan o‘tayotgan kemalarga davomli hujumlari sabab ularni zararsizlantirishga qaror qilgan.
Husiylar qanotli raketa bilan AQSH esminetsiga zarba berishga urindi
AQSH qiruvchi samolyoti Yamandagi husiylar nazorati ostidagi hududdan uchirilgan ballistik raketani urib tushirdi, deb xabar berdi AQSH Markaziy qo‘mondonligi. Idora maʼlumotlariga ko‘ra, hujum nishoni Qizil dengiz janubidagi Amerikaning Laboon esminetsi bo‘lgan.
“14-yanvar kuni taxminan soat 16:45 da Yamanning husiylar nazorati ostidagi hududlaridan Qizil dengiz janubida harakat qilayotgan AQSHning Laboon esminetsiga qarshi qanotli raketa uchirildi. Raketa Xodeyda viloyati yaqinida urib tushirildi. Qurbonlar va vayronagarchiliklar haqida ma’lumot yo‘q”, — deyiladi X dagi qo‘mondonlik bayonotida.
So‘nggi oylarda Isroil va HAMAS harakati o‘rtasidagi urush fonida Qizil dengizda xalqaro suvlarda harakatlanayotgan bir nechta kema o‘qqa tutildi. HAMASni qo‘llab-quvvatlovchi Yaman husiylari Isroil bilan aloqador deb hisoblagan kemalarga raketa yoki uchuvchisiz uchoqlar orqali zarbalar berdi.
Izoh
Kirish
Asosiy yangiliklar
