Rasman: “Roma” Joze Mourinyoni iste’foga chiqardi 

Italiyaning “Roma” jamoasi bosh murabbiy Joze Mourinyo iste’foga chiqarilganini ma’lum qildi. 

Portugaliyalik mutaxassis 2021-yil may oyidan buyon Rim jamoasini boshqarib kelayotgandi.

Uning qo‘l ostida “Roma” 2022-yilda Konferensiyalar Ligasida g‘alaba qozondi, o‘tgan yili esa Yevropa Ligasi finaliga qadar yetib bordi. 

Mourinyo faoliyati davomida “Portu”, “Real”, “Inter”, “Chelsi”, “Manchester Yunayted” va “Tottenhem” kabi klublarda bosh murabbiy sifatida ishlagan.