“Urush 10 yil davom etadi va uni Putin tugatmaydi” — Polsha TIV rahbari

Polsha tashqi ishlar vaziri Radek Sikorskiy Ukrainadagi urushni Putin yakunlamasligini ma’lum qildi. Bu haqda BBC xabar berdi.

Sikorskiyning so‘zlariga ko‘ra, Ukrainadagi urush Rossiya xatosini tushunmagunicha yana bir necha yil davom etishi mumkin va uni Putin yakunlamaydi.

“Putin qaytib kelmaydigan nuqtadan o‘tdi. U hozir harbiy jinoyatchi sifatida ayblanmoqda va menimcha, bu mustamlakachilik urushi qachondir uni boshlagan emas, balki boshqa jamoa tomonidan tugatiladi”, — deya Sikorskiy.

Sobiq taniqli siyosiy tahlilchi Sikorskiyning aytishicha, mustamlakachilik urushlari odatda o‘n yil davom etadi va bu vaqt ichida urush boshlagan mamlakat bu qadam xato bo‘lgan, degan xulosaga kelishi kerak.

“Odatda bunday qarorlarni boshqa jamoa qabul qiladi, chunki urushni boshlagan jamoa kamdan-kam hollarda xatosini tan oladi. Shuning uchun bunga o‘n yil kerak va bu bizning asosiy ssenariyimiz bo‘lishi lozim”, — deydi Polsha tashqi ishlar vaziri.