“O‘q-dorilar sotib olish uchun 1,2 milliard dollarlik shartnoma imzoladik” — NATO bosh kotibi

NATO 155 millimetrli artilleriya o‘q-dorilarini sotib olish uchun 1,2 milliard dollarlik shartnoma imzoladi.

Bu haqda alyans bosh kotibi Yens Stoltenberg Bryusseldagi shtab-kvartirada o‘tkazilgan brifing chog‘ida ma’lum qilgan.

“Biz hozirgina yuz minglab 155 millimetrli o‘q-dorilar uchun 1,2 milliard dollardan ortiq shartnoma imzoladik”, — dedi u.

Uning qo‘shimcha qilishicha, bunday sarmoyalar NATOga a’zo mamlakatlarga Ukrainani qo‘llab-quvvatlashni davom ettirish imkonini beradi.